Moynaq rayonında gezektegi áhmiyetli waqıya júz berdi — ekonomikamızdı turaqlı elektr energiyası menen támiyinlew hám jasıl ekonomika texnologiyaların engiziw jolında ámelge asırılıp atırǵan jumıslar sheńberinde media tur shólkemlestirildi.
Bul media turda rayonlıq ǴXQ wákilleri, blogerler, jas belsendiler birgelikte qatnasıp, rayondaǵı «jasıl ózgerisler»di óz kózleri menen kórdi.
Media tur dawamında Moynaq rayonı elektr támiynatı kárxanası baslıǵı J. Sarqıtbaev qatnasıwshılarǵa aymaqta energiyanı únemlew, qayta tikleniwshi energiya dereklerinen paydalanıw hám ekologiyalıq turaqlılıq jolında alıp barılıp atırǵan jumıslar boyınsha hár tárepleme maǵlıwmat berdi.