• Ср. Авг 20th, 2025

redakciya.uz

Aral baliqshisi redaksiyasi Rasmiy veb sayti

Aral balıqshısı gazetası tariyxı.

7-Noyabr-rayonımız turmısındaǵı tariyxıy sánelerdiń biri.Bunnan 93 jıl burın áyne usı sánede rayonlıq baslımnıń tuńǵısh sanı jarıq kórdi.
1932-jılı 7- noyabrde»Balıqshı»degen at penen dáslep 50 nusqa jarıq kórip baslaǵan rayonlıq basılım aradan ótken waqıt ishinde xalqımızǵa hár dáwirdiń ózine say baǵdarına ılayıq xızmet etip,mámleket-húkimet tárepinen júrgizilip atırǵan siyasattı keń jámiyetshilikke jetkeriwde,eldi sociyallıq-ekonomikalıq rawajlandırıw jolında xalıqtı ǵalaba sawatlandırıw jıllarınan baslap házirgi kompyuter texnologiyaları zamanına shekemgi dáwirdi basıp ótti.
Gazeta dáwir talabınan kelip shıǵıp,hár qıylı jıllarda óz atamasın jańalap bardı.Yaǵnıy 1932-jıldan «Balıqshı»,1936-jıldan»Qızıl balıqshı»,1965-jıldan usı kúnge shekem»Aral balıqshısı»ataması menen xalqımızǵa ruwxıy azıq baǵıshlap kiyatır.Rayonda,sonday-aq,1932-jıldan 1958-jılǵa deyin rus tilinde»Krasnıy rıbak»gazetası da shıǵıp turdı. Sońın ala «Qızıl balıqshı»hám» Krasnıy rıbak»gazetaları biriktirilip 1958-1962-jıllar aralıǵında qaraqalpaq hám rus tillerinde bir basılım bolıp shıqtı.Házir gazeta ayına eki ret ,qaraqalpaq tilinde,latın háriplerinde «Aral balıqshısı»degen at penen shıqpaqta.
Maǵlumatlarǵa qaraǵanda rayonlıq baslımınıń birinshi redaktorı Erniyaz Isaev bolǵan.Ekinshi jer júzlik urıs jıllarında hám 1950-jıllarǵa deyingi dáwirde birneshshe ay redaktorlıq etkenleri de bolıp,olar,Qaratay Ótekov,Tilewbergen Jumamuratov,Káramatdiyn
Sultanov,Meńlibek Ábdireymov,Maxmud Idirisov,A.I.Antipenko,Áshirbek Nurımbetov,T.L.Sharova,E.F.Krolichenko,Jumabay Xojaniyazov,Tólep Úbbiniyazov,Aytjan Bekmuratov,Joldasbay Seytnazarov,Saǵın Ziyawov,Mırzamurat Xojamuratov hám Sársenbay Jumamuratovlar. 2012 -jıllardan jas jurnalist Venera Saddullaeva ,2017-jılları Zaxida Qaljanova,Dariyxa Abılaeva hám 2022-jıl 13-oktiyabr kúninen baslap Sahipjamal Shaddinova bas redaktor bolıp islep kelmekte.

Ótkerip jiberdińiz

Без рубрики
Без рубрики
Без рубрики
Без рубрики