Ózbekstan Respublikası Prezidentiniń “Mayıplıǵı bolǵan balalarǵa sociallıq xızmet hám járdem kórsetiw sistemasın bunnan bılay da jetilistiriw boyınsha qosımsha ilajlar haqqında”ǵı qararı menen, búgin Moynaq rayonında jaylasqan “Ibragim-Iskander” mektepke shekemgi bilimlendiriw shólkeminde Prezident janındaǵı Sociallıq qorǵaw milliy agentligi Qaraqalpaqstan Respublikası basqarması tárepinen “Kúndizgi kútim” xızmeti jolǵa qoyıldı.
Jańadan ashılǵan bul toparǵa Basqarma janında shólkemlestirilgen Psixologiyalıq-medicinalıq-pedagogikalıq komissiya tekseriwinen ótkerilgen mayıplıǵı bolǵan balalar qamtıp alındı.
Ayrıqsha kútimge mútáj bolǵan balalar ushın qolaylı hám qáwipsiz ortalıq jaratılıp, olarǵa kúndizgi waqtıtta tájiriybeli qánigelerdiń xızmet kórsetiliwi támiyinlendi.
Usılayınsha shańaraqlardaǵı miynetke jaramlı yamasa jumıs islewdi qálewshi ata-analar ushın sharayat jaratıldı, yaǵnıy olarda ózleriniń bántligin támiyinleydi.
Bul ,xızmet járdeminde mayıplıǵı bolǵan balalar arnawlı tárbiyashılar qaramaǵına alınǵan halda kúndizgi waqıtta zárúr kútim, rawajlandırıwshı shınıǵıwlar hám sociallıq beyimlesiw processlerinen paydalanıw múmkinshigine iye .
Qánigelerdiń atap ótkeniwinshe bunday toparlar balalardıń rawajlanıwı, jámietke beyimlesiwi hám keleshekte erkin turmısqa tayarlanıwında áhmiyettli qádem esplanadı.
Mine,usı tárizde balalar ómirine jańa imkaniyatlar esigi ashılmaqta.